ପୁରୀ, ୧୩ ଫେବୃଆରୀ: ପଙ୍କୋଧାରା ଏକାଦଶୀ (୧୩.୦୨.୨୦୨୬) ଅବସରରେ ଶ୍ରୀ ଲୋକନାଥ ଦେବ ମନ୍ଦିରରେ ଭକ୍ତମାନଙ୍କ ସୁଚାରୁ ଦର୍ଶନ ଓ ଭିଡ଼ ନିୟନ୍ତ୍ରଣ ପାଇଁ ପୁରୀ ପୋଲିସ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି। ଭକ୍ତମାନଙ୍କ ସୁରକ୍ଷିତ ଓ ଶୃଙ୍ଖଳାବଦ୍ଧ ଗତିବିଧି ସୁନିଶ୍ଚିତ କରିବା ପାଇଁ ସଂରଚିତ କ୍ୟୁ ମ୍ୟାନେଜମେଣ୍ଟ ସିଷ୍ଟମ୍ ଓ କ୍ରାଉଡ୍ ମୋବିଲିଟି ପ୍ଲାନ୍ ଲାଗୁ କରାଯାଇଛି।
ଭିଡ଼ ନିୟନ୍ତ୍ରଣ ବ୍ୟବସ୍ଥା
ଭକ୍ତମାନେ ଶ୍ରୀ ଲୋକନାଥ ଦେବ ମନ୍ଦିରର ଲାୟନ୍ସ ଗେଟ୍ ଦ୍ୱାରା ପ୍ରବେଶ କରିବେ। ଦର୍ଶନ ପରେ ନିୟନ୍ତ୍ରିତ ବ୍ୟାରିକେଡ୍ ମାର୍ଗ ଦ୍ୱାରା ବାହାରିବେ। ଏହି ପଥରେ ମୁଖ୍ୟ ପ୍ରବେଶ ଦ୍ୱାର → ସତପାହାଚା → ବଙ୍କା ଖିଲାନା ଦ୍ୱାର → ଗୁମୁଟା ବ୍ୟାରିକେଡ୍ ପଥ → ଗର୍ଭଗୃହର ଲକ୍ଷ୍ମୀ ଦ୍ୱାର → ଗମ୍ଭୀରା → ଗମ୍ଭୀରା ବାହାର ଗେଟ୍ (ବାଉଳା ଗଛ ଦ୍ୱାର) → ଜାଳି ଗେଟ୍ → ବଙ୍କା ଖିଲାନ ଗେଟ୍ (ଭିତର) → ମୁଖ୍ୟ ସତପାହାଚା ବଙ୍କା ଖିଲାନା ଗେଟ୍ ମାର୍ଗରେ ଗତିବିଧି ହେବ।
ସମସ୍ତ ଗୁରୁତ୍ୱପୂର୍ଣ୍ଣ ସ୍ଥାନରେ ବ୍ୟାରିକେଡ୍, ସାଇନେଜ୍ ଓ କ୍ୟୁ ଚ୍ୟାନେଲ୍ ବ୍ୟବସ୍ଥା କରାଯାଇ ଭକ୍ତମାନଙ୍କ ଗତିବିଧିକୁ ସୁଚାରୁ କରାଯାଇଛି ଏବଂ ଅତ୍ୟଧିକ ଭିଡ଼ ରୋକିବା ପାଇଁ ପଦକ୍ଷେପ ନିଆଯାଇଛି।
ମୋଟ ନିଯୁକ୍ତି
ଏହି ଅବସରରେ ସୁରକ୍ଷା ଓ ନିୟନ୍ତ୍ରଣ ପାଇଁ ଅତିରିକ୍ତ ପୁଲିସ ବଳ ନିଯୁକ୍ତ ହୋଇଛି —
- ଅତିରିକ୍ତ ଏସପି/ଡିସି – ୧
- ଡିଏସପି/ଏସି – ୭
- ଇନ୍ସପେକ୍ଟର/ଇନ୍ସପେକ୍ଟର (ଏ) – ୧୬
- ଏସଆଇ/ଏଏସଆଇ – ୪୧
- ହାବିଲଦାର/କନଷ୍ଟେବଲ/ମହିଳା କନଷ୍ଟେବଲ/ଟ୍ରାଫିକ କନଷ୍ଟେବଲ – ୭୨
- ସସ୍ତ୍ରଧାରୀ ବଳ – ୧୯ ସେକ୍ସନ୍ (୭ ପ୍ଲାଟୁନ୍)
- ହୋମଗାର୍ଡ – ୮୨
ପ୍ରବେଶ ଓ ପ୍ରସ୍ଥାନ ଦ୍ୱାର, କ୍ୟୁ ଲାଇନ୍, ଟ୍ରାଫିକ ଚୌକ ଓ ମନ୍ଦିର ପରିସରରେ ପୋଲିସ ଅଧିକାରୀ ଓ କର୍ମଚାରୀମାନେ ନିୟନ୍ତ୍ରଣ, ସହାୟତା ଓ ଜରୁରୀ ପ୍ରତିକ୍ରିୟା ପାଇଁ ତୈନାତ ରହିବେ। ପୁରୀ ପୋଲିସ ପକ୍ଷରୁ ଭକ୍ତମାନଙ୍କୁ ନିର୍ଦ୍ଧାରିତ ପଥ ଅନୁସରଣ କରିବା ସହ ପୋଲିସ ଓ ମନ୍ଦିର ପ୍ରଶାସନକୁ ସହଯୋଗ କରି ସୁରକ୍ଷିତ ଓ ଶାନ୍ତିପୂର୍ଣ୍ଣ ଦର୍ଶନ ସୁନିଶ୍ଚିତ କରିବାକୁ ଅନୁରୋଧ କରାଯାଇଛି।
