ଇଣ୍ଡିଆନ ଆଇଡଲ 16 ଟ୍ରଫିର ବିଜେତା କଣ୍ଠଶିଳ୍ପୀ ଜ୍ୟୋତିର୍ମୟୀ ନାୟକ ସପରିବାର ପୁରୀ ଆସି ମହାପ୍ରଭୁ ଶ୍ରୀଜଗନ୍ନାଥଙ୍କୁ ଦର୍ଶନ କରିଛନ୍ତି

ପୁରୀ -30/6/26 ଇଣ୍ଡିଆନ ଆଇଡଲ 16 ଟ୍ରଫିର ବିଜେତା କଣ୍ଠଶିଳ୍ପୀ ଜ୍ୟୋତିର୍ମୟୀ ନାୟକ ସପରିବାର ପୁରୀ ଆସି ମହାପ୍ରଭୁ ଶ୍ରୀଜଗନ୍ନାଥଙ୍କୁ ଦର୍ଶନ କରିଛନ୍ତି | ଏହି ଅବସରରେ ଶ୍ରୀମନ୍ଦିର ସିଂହଦ୍ୱାର ଠାରେ ସାରସ୍ୱତ ଓ ସାଂସ୍କୃତିକ ଅନୁଷ୍ଠାନ ‘ଅଭିନନ୍ଦନିକା’ ପକ୍ଷରୁ ଅନୁଷ୍ଠାନର ପ୍ରତିଷ୍ଠାତା ସମ୍ପାଦକ ଶ୍ୟାମ ପ୍ରକାଶ ସେନାପତି ସମ୍ବର୍ଦ୍ଧିତ କରିଛନ୍ତି | ଜ୍ୟୋତିର୍ମୟୀ ଶ୍ରୀମନ୍ଦିରକୁ ଯାଇ ମହାପ୍ରଭୁ ଙ୍କୁ ଦର୍ଶନ କରି ଫେରି ଗଣମାଧ୍ୟମ ସମ୍ମୁଖରେ କହିଥିଲେ, ପ୍ରତିଯୋଗିତା ଆରମ୍ଭରୁ ମହାପ୍ରଭୁ ଙ୍କୁ ପ୍ରାର୍ଥନା କରିଥିଲି | ଯେଉଁ ଲକ୍ଷ୍ୟ ନେଇ ଯାଇଥିଲି ଆଜି ସେହି ଲକ୍ଷ୍ୟ ମୋର ପୂରଣ ହୋଇଛି | ନିଜର ଏହି ବିଜୟ ଟ୍ରଫି କୁ ମହାପ୍ରଭୁ ଙ୍କ ପାଦପଦ୍ମରେ ଅର୍ପଣ କରିବା ସହିତ ସେ ଏହି ଶ୍ରେୟ ମହାପ୍ରଭୁ ଏବଂ ମା’ ବାପାଙ୍କୁ ଦେଇଛନ୍ତି ବୋଲି ପ୍ରକାଶ କରିଥିଲେ | ସିଂହଦ୍ୱାର ସମ୍ମୁଖରେ ଜ୍ୟୋତିର୍ମୟୀ ତାଙ୍କର ଅନ୍ୟତମ ଲୋକପ୍ରିୟ ଭଜନ “ଚାରିଧାମ ଭିତରେ ଗୋଟିଏ ଧାମ, ସେ ମୋ କାଳିଆର କାଳିଆର ଶ୍ରୀକ୍ଷେତ୍ର ଧାମ | ଶହେ ନାମ ଭିତରେ ଅମୃତ ନାମ, ସେ ମୋ କାଳିଆର କାଳିଆର ଶ୍ରୀକ୍ଷେତ୍ର ଧାମ ” ବୋଲି ଉପସ୍ଥିତ ଭକ୍ତ ଓ ଦର୍ଶନାର୍ଥୀ ଙ୍କୁ ମନ୍ତ୍ରମୁଗ୍ଧ କରିଥିଲେ |