ନୟାଗଡ,ତା-୧୧.୧୦.୨୫ରିଖ – ଭାସ୍କର ଚନ୍ଦ୍ର ସ୍ବାଇଁଙ୍କ ରିପୋର୍ଟ – ଆନ୍ତର୍ଜାତୀୟ ବାଳିକା ଦିବସ ଅବସରରେ ଗଣିଆ ଉନ୍ନୟନ କମିଟିଠାରେ ଏକ ସଚେତନତା କାର୍ଯ୍ୟକ୍ରମ ଆୟୋଜିତ ହୋଇଥିଲା । ଏହି କାର୍ଯ୍ୟକ୍ରମର ଉଦ୍ଦେଶ୍ୟ ଥିଲା — ବାଳିକାଙ୍କ ଶିକ୍ଷା, ସୁରକ୍ଷା ଓ ସଶକ୍ତିକରଣ ବିଷୟରେ ସମାଜକୁ ସଚେତନ କରିବା ଓ ବାଲ୍ୟ ବିବାହକୁ ବନ୍ଦ କରିବା।
ଜ଼ିଲ୍ଲା ଶିଶୁମଙ୍ଗଳ ସମିତିର ଅଧ୍ୟକ୍ଷ କିଶୋର ଚନ୍ଦ୍ର ମହାପାତ୍ର ବାଲ୍ୟ ବିବାହ ନିୟମ ଓ ଆଇନ ବିଷୟରେ ବିସ୍ତୁତ ଭାବେ ଜଣାଇଥିଲେ। ଜ଼ିଲ୍ଲା ଶିଶୁ ସୁରକ୍ଷା ୟୁନିଟର ଶିଶୁ ଯତ୍ନ ଆନୁଷ୍ଠାନିକ ଅଧିକାରୀ ସତ୍ୟରଞ୍ଜନ ଦାସ ଶିଶୁ ମାନଙ୍କ ବିକାଶ ଓ ଶିଶୁ ଅଧିକାର ନିୟମ ବିଷୟରେ ଜଣାଇ ଥିଲେ। ଗଣିଆ ଉନ୍ନୟନ କମିଟିର ସଭାପତି ଉଷା ପଟ୍ଟନାୟକ ବାଲ୍ୟ ବିବାହ ମୁକ୍ତ ଭାରତ କିପରି ହୋଇପାରିବ ସେ ଦିଗରେ ଜଣାଇଥିଲେ। ଅଙ୍ଗନୱାଡି କର୍ମୀ,ସ୍ୱୟଂ ସହାୟକ ଗୋଷ୍ଠୀ ,ଅଭିଭାବକ ଓ ବାଳିକାମାନେ ଏଥିରେ ୬୦ରୁ ଉର୍ଦ୍ଧ ସକ୍ରିୟ ଭାବେ ଅଂଶଗ୍ରହଣ କରିଥିଲେ। କାର୍ଯ୍ୟକ୍ରମରେ “ବାଳିକା ହେଉଛି ଶକ୍ତି, ସେ ହେଉଛି ଭବିଷ୍ୟତ” ବାର୍ତ୍ତାକୁ ଆଗକୁ ଆଣି ଅନେକ ସାଂସ୍କୃତିକ ପ୍ରଦର୍ଶନୀ ଚର୍ଚ୍ଚା ହୋଇଥିଲା ।
ଚାଇଲଡ ହେଲ୍ପଲାଇନ 1098 ର ଦଳ ମଧ୍ୟ ଏଥିରେ ଅଂଶଗ୍ରହଣ କରି, ବାଳିକାଙ୍କ ସୁରକ୍ଷା ଓ ନ୍ୟାୟ ଅଧିକାର ବିଷୟରେ ସଚେତନତା ସନ୍ଦେଶ ପ୍ରସାର କରିଥିଲେ । କାର୍ଯ୍ୟକ୍ରମ ଶେଷରେ ଉପସ୍ଥିତ ସମସ୍ତଙ୍କୁ ଧନ୍ୟବାଦ ଜଣାଯାଇଥିଲା ଓ ବାଳିକାଙ୍କ ଅଧିକାର ସୁନିଶ୍ଚିତ କରିବା ପାଇଁ ସାମୁହିକ ଉଦ୍ୟମର ଆହ୍ୱାନ ଦିଆଯାଇଥିଲା ।
