ଅପରେଶନ୍ ଚକ୍ର ଅଭିଯାନରେ ପୁରୀ ପୋଲିସଙ୍କ ବଡ଼ ସଫଳତା

ପୁରୀ : ତା୧୩/୧୨/୨୦୨୫ “ଅପରେଶନ୍ ଚକ୍ର” ଅଭିଯାନରେ ପୁରୀ ପୋଲିସଙ୍କ ବଡ଼ ସଫଳତା : ଅବୈଧ ମଦ ବିକ୍ରୟ ବିରୋଧରେ ୮୧୩ ମାମଲା, ୮୧୩ ଅଭିଯୁକ୍ତ ଗିରଫ*ପୁରୀ ଜିଲ୍ଲାରେ ଅବୈଧ ମଦ ବିକ୍ରୟ, ଅବୈଧ ମଦ ତିଆରି ଓ ଚୋରା ମଦ ଚାଲାଣକୁ ସମ୍ପୂର୍ଣ ରୋକିବା ଉଦ୍ଦେଶ୍ୟରେ ପୁରୀ ପୋଲିସ ଦ୍ୱାରା “ଅପରେଶନ୍ ଚକ୍ର” ଡ୍ରାଇଭରେ, ନିରନ୍ତର ଅଭିଯାନ ଆରମ୍ଭ କରାଯାଇଛି। ଏହି ଅଭିଯାନ ଅନ୍ତର୍ଗତ ଜିଲ୍ଲାର ସମସ୍ତ ଥାନା ଅଞ୍ଚଳରେ ନିୟମିତ ଭାବେ ଚଢ଼ାଉ, ତଲାସି ଓ ଆଇନଗତ କାର୍ଯ୍ୟାନୁଷ୍ଠାନ କରାଯାଇ ଆସୁଛି।ଗତ ୧୧ ମାସ ମଧ୍ୟରେ “ଅପରେଶନ୍ ଚକ୍ର” ଅଭିଯାନରେ ପୁରୀ ପୋଲିସ ମୋଟ ୮୧୩ଟି ମାମଲା ରୁଜୁ କରିବା ସହ ୮୧୩ ଜଣ ଅଭିଯୁକ୍ତଙ୍କୁ ଗିରଫ କରିବାରେ ସଫଳତା ହାସଲ କରିଛି। ଅବୈଧ ମଦ ବିକ୍ରୟ ଓ ପୋଚ କାରଣରେ ସୃଷ୍ଟ ହେଉଥିବା ସାମାଜିକ ଅସୁବିଧା କୁ ଦୃଷ୍ଟିରେ ରଖି ପୁରୀ ପୋଲିସ ପକ୍ଷରୁ ଏହି ଅଭିଯାନକୁ ସର୍ବୋଚ୍ଚ ଗୁରୁତ୍ୱ ଦିଆଯାଇଛି।ସିଟି ସବ୍-ଡିଭିଜନ୍ – ମୋଟ: ୧୨୦ • ଟାଉନ ଥାନା – ୧୪• ସମୁଦ୍ରକୁଳ ଥାନା – ୨୬• କୁମ୍ଭାରପଡା ଥାନା – ୩୨• ବସେଳିସାହି ଥାନା – ୨୧• ବଳିଆପଣ୍ଡା ଥାନା – ୧୮• ତାଳବଣିଆ ଥାନା – ୦୯ସଦର ସବ୍-ଡିଭିଜନ୍ – ମୋଟ: ୨୯୬ • ସଦର ଥାନା – ୬୭• ପେଣ୍ଠକଟା ମେରାଇନ ଥାନା – ୩୨• ବ୍ରହ୍ମଗିରି ଥାନା – ୫୧• ଅରଖକୁଦା ମେରାଇନ ଥାନା – ୧୪• କୃଷ୍ଣପ୍ରସାଦ ଥାନା – ୭୩• ଚନ୍ଦନପୁର ଥାନା – ୩୨• ଗଡିସାଗୋଦା ଥାନା – ୨୭ନିମାପଡା ସବ୍-ଡିଭିଜନ୍ – ମୋଟ: ୨୨୭ • ନିମାପଡା ଥାନା – ୨୬• ଚାରିଛକ ଥାନା – ୨୦• ଗୋପ ଥାନା – ୩୬• କାକଟପୁର ଥାନା – ୨୯• ଅସ୍ତରଙ୍ଗ ଥାନା – ୩୩• ଅସ୍ତରଙ୍ଗ ମେରାଇନ ଥାନା – ୦୭• କୋଣାର୍କ ଥାନା – ୪୧• ରାମଚଣ୍ଡି ଥାନା – ୨୯• ଚନ୍ଦ୍ରଭାଗା ମେରାଇନ ଥାନା – ୦୬ପିପିଲି ସବ୍-ଡିଭିଜନ୍ – ମୋଟ: ୧୭୦ • ପିପିଲି ଥାନା – ୨୬• ସତ୍ୟବାଦୀ ଥାନା – ୩୭• ଡେଲାଙ୍ଗ ଥାନା – ୪୩• କଣାସ ଥାନା – ୨୦• ବଳଙ୍ଗା ଥାନା – ୪୪ଏହି ଅଭିଯାନ ସମ୍ପର୍କରେ ଏସ୍‌ପି ପୁରୀ ଶ୍ରୀ ପ୍ରତୀକ ସିଂହ କହିଛନ୍ତି ଯେ, “ପୁରୀ ପୋଲିସ ଅବୈଧ ମଦ ବିକ୍ରୟ, ମଦ ତିଆରି ଓ ଚୋରା ଚାଲାଣ ବିରୋଧରେ ଶୂନ୍ୟ ସହିଷ୍ଣୁତା ନୀତି ଅନୁସରଣ କରୁଛି। ଏହି ଅଭିଯାନରେ ଜନସାଧାରଣଙ୍କ ସହଯୋଗ ଆମର ପ୍ରଧାନ ଶକ୍ତି। ୧୧୨ ହେଲ୍ପଲାଇନ୍‌ ମାଧ୍ୟମରେ ଯେପରି ଗୁପ୍ତ ସୂଚନା ମିଳୁଛି, ସେଥିରୁ ପୋଲିସ ତୁରନ୍ତ ଓ କାର୍ଯ୍ୟକାରୀ ପଦକ୍ଷେପ ଗ୍ରହଣ କରୁଛି। ‘ଅପରେଶନ୍ ଚକ୍ର’ ଆଗାମୀ ଦିନରେ ମଧ୍ୟ ଅଧିକ ତୀବ୍ର ଭାବରେ ଜାରି ରହିବ। ଜନସାଧାରଣଙ୍କ ସୁରକ୍ଷା, ଶାନ୍ତି ଓ ସୁସ୍ଥ ସାମାଜିକ ପରିବେଶ ନିମନ୍ତେ ପୁରୀ ପୋଲିସ ସଦା ସଚେତନ ଓ ପ୍ରତିବଦ୍ଧ। ଅବୈଧ କାର୍ଯ୍ୟ ସମ୍ପର୍କରେ ଯେକୌଣସି ସୂଚନା ୧୧୨ ହେଲ୍ପଲାଇନ୍‌କୁ ମାଧ୍ୟମରେ ପୋଲିସକୁ ସହଯୋଗ କରିବାକୁ ଆମର ଅନୁରୋଧ ସହ ଆମେ ସମସ୍ତେ ମିଶି ସୁସ୍ଥ ପୁରୀ ଗଠନ କରିବା ଏହା ଆମ ସଂକଳ୍ପ କରିବା”