ମଶାଣି ଚଣ୍ଡି ମନ୍ଦିର ଉନ୍ନତି କରଣ ପାଇଁ ଦାବି

୧୦.୯.ପୁରୀ ଶ୍ରୀ ଶ୍ରୀ ମା କଟିକିପେଣ୍ଠ ମଶାଣିଚଣ୍ଡୀ ଉନ୍ନୟନ କମିଟିର ସଦସ୍ୟ, ସଦସ୍ୟାମାନେ ,ମଶାଣି ଚଣ୍ଡୀ ଙ୍କ ମନ୍ଦିର ତଥା ଏହାର ପରିବେଶ ଉନ୍ନତି କରଣ ପାଇଁ ଜିଲ୍ଲାପାଳ ଙ୍କୁ ଦାବିପତ୍ର ଦେଇଛନ୍ତି । ମାର୍କଣ୍ଡେଶ୍ଵର ସାହି ମୌଜାରେ ଥିବା ଓଁ ଶ୍ରୀ ଶ୍ରୀ ମା କଟିକିପେଣ୍ଠ ମଶାଣିଚଣ୍ଡୀ ପୀଠ ଶ୍ରୀକ୍ଷେତ୍ରର ଏକ ପ୍ରମୁଖ ପୀଠ ଅଟେ । ଏହି ପୀଠ ଆବାହନ କାଳରୁ ପ୍ରତିଷ୍ଠା ଅର୍ଜନ କରିଥିବାରୁ ଅଗଣିତ ଭକ୍ତ ମାଙ୍କ କୃପା ଭିକ୍ଷା ଲାଗି ଦର୍ଶନ ନିମନ୍ତେ ଏଠାକୁ ଆସିଥାନ୍ତି । ଏହି ମାଆଙ୍କ ମନ୍ଦିରରେ ସ୍ଥାନୀୟ ଲୋକମାନଙ୍କର ବିଭିନ୍ନ ପୂଜା ପାର୍ବଣ, ମାନସିକ ଭୋଜିଭାତ ଇତ୍ୟାଦି କାର୍ଯ୍ୟକ୍ରମ ସମ୍ପାଦିତ ହୋଇଥାଏ । ମାଙ୍କ ନିକଟରେ ଥିବା ମଶାଣିରେ ମୃତ ଗୋରୁ, ଗାଈ, ମୃତ ଶିଶୁ ଓ ଅଚିହ୍ନା ଶବ ଆଦି ପୋତାଯାଇ ସଂସ୍କାର କରାଯାଏ। ଏହା ଏକ ଦର୍ଶନୀୟ ସ୍ଥାନ ହୋଇମଧ୍ଯ ଯଥୋଚିତ ଉନ୍ନତିକରଣ ସରକାରଙ୍କ ଦ୍ଵାରା ହୋଇନାହିଁ । ମାଆଙ୍କ ପ୍ରାଙ୍ଗଣରେ ଥିବା ମଶାଣିରେ ସାମାନ୍ୟ ବର୍ଷା ହେବାଯୋଗୁଁ ଦିର୍ଘଦିନ ଧରି ପାଣି ଜମି ରହୁଅଛି । ଏହି ପାଣି ଜମି ରହିବା ଯୋଗୁଁ ଲୋକମାନେ ବିଭିନ୍ନ ମୃତ ଦେହକୁ ଆଣି ମଶାଣିର ନିର୍ଦ୍ଦିଷ୍ଟ ସ୍ଥାନରେ ନପୋତି ଏଣେତେଣେ ଫିଙ୍ଗି ଦେଉଛନ୍ତି । ଏଥି ସହ ବର୍ଷା ପାଣି ଜମି ରହିବାରୁ ପୋତାହୋଇଥିବା ଶବ ମଧ୍ୟ ପାଣିରେ ଭାସିଆସି ମାଆଙ୍କ ମନ୍ଦିର ନିକଟରେ ପଡି ରହୁଛି । ଏହା ଫଳରେ ଶବ ପଚିସଢି ପରିବେଶ କୁ ପୂତି ଗନ୍ଧମୟ ପରିବେଷ ସୃଷ୍ଟି ହେଉଅଛି । ସ୍ଥାନୀୟ ଲୋକମାନେ ଓ ପର୍ଯ୍ୟଟକମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ପୁତି ଗନ୍ଧମୟ ପରିବେଷ ଯୋଗୁଁ ମାଆଙ୍କ ଦର୍ଶନରୁ ବଂଚିତ ହେଉଛନ୍ତି । ଏହି କ୍ଷେତ୍ର ପୁରୀ ର ସର୍ବପୁରାତନ ତଥା ଏକ ପର୍ଯ୍ୟଟନ ଓ ଧାର୍ମିକ କେନ୍ଦ୍ରସ୍ଥଳୀ ହୋଇଥିଲେ ମଧ୍ୟ ମାଆଙ୍କ ପାରିପାର୍ଶିକ ଅବସ୍ଥା ଉନ୍ନତି କରାଯାଇନାହିଁ ।ଏଠାରେ ମା ଙ୍କ ବିଭିନ୍ନ ପୂଜା ପର୍ବାଣୀ ଅନୁଷ୍ଠିତ ହୋଇଥାଏ। ଆଗକୁ ପାର୍ବଣ ପର୍ବ ଆସୁଥିବାରୁ ମାଆ ମଶାଣିଚଣ୍ଡୀଙ୍କ ଯଜ୍ଞ ଓ ଷୋଳପୂଜାଦି ଅନୁଷ୍ଠିତ ହେବ । ତୁରନ୍ତ ଜିଲ୍ଲା ପ୍ରଶାସନ ତରଫରୁ ହସ୍ତକ୍ଷେପ କରାଯାଇ ମଶାଣିରେ ଜମି ରହୁଥୁବା ଜଳ ନିଷ୍କା ସ୍ଥାନରେ ଶବ ପୋତାଯିବାର ବ୍ୟବସ୍ଥା ଓ ପରିବେଶର ସର୍ବାଙ୍ଗୀନ ଉନ୍ନତି କରାଯିବା ପାଇଁ ମଶାଣି ଚଣ୍ଡୀ ଉନ୍ନୟନ କମିଟି ପକ୍ଷରୁ ଦାବି କରାଯାଇଛି ।କମିଟିର ସଭାପତି ଲିଟୁ ପ୍ରଧାନଙ୍କ ନେତୃତ୍ୱରେ ମନ୍ଦିରର ପୂଜକ ଓ ଅନ୍ୟ ସଦସ୍ୟ ମାନେ ଉପସ୍ଥିତ ରହି ଅତିରିକ୍ତ ଜିଲ୍ଲାପାଳଙ୍କୁ ଦାବିପତ୍ର ପ୍ରଦାନ କରିଥିଲେ lକମିଟିର ସଭାପତି ଲିଟୁ ପ୍ରଧାନଙ୍କ ନେତୃତ୍ୱରେ ମନ୍ଦିରର ପୂଜକ ଓ ଅନ୍ୟ ସଦସ୍ୟ ମାନେ ଉପସ୍ଥିତ ରହି ଅତିରିକ୍ତ ଜିଲ୍ଲାପାଳଙ୍କୁ ଦାବିପତ୍ର ପ୍ରଦାନ କରିଥିଲେ l