ରାଷ୍ଟ୍ରୀୟ ନାଟ୍ୟ ବିଶ୍ଵବିଦ୍ୟାଳୟ ଦ୍ଵାରା ଆୟୋଜିତ ଭାରତ ରଙ୍ଗ ମହୋତ୍ସବ ଅବସରରେ, ସତ୍ୟବାଦୀ ସଂଗୀତ ମହାବିଦ୍ୟାଳୟ ପ୍ରାଙ୍ଗଣରେ, ସମ୍ପାଦକ ଶ୍ରୀ ବଦ୍ରିନାରାୟଣ ଖୁଣ୍ଟିଆଙ୍କ ସଭାପତିତ୍ଵରେ ଓ ଅନୁଷ୍ଠାନ ସମସ୍ତ କର୍ମକର୍ତ୍ତାଙ୍କ ମିଳିତ ସହଯୋଗରେ ଅପରାହ୍ନ ୪ଟା ସମୟରେ ପାଳିତ ହୋଇଯାଇଛି ଭାରତ ରଙ୍ଗ ମହୋତ୍ସବ ୨୦୨୪ । ମହାବିଦ୍ୟାଳୟର ଛାତ୍ରୀ, ଚିରସ୍ରୋତା ଖୁଣ୍ଟିଆ, ମୀରା ଦାସ, ରାଜଲକ୍ଷ୍ମୀ ନାୟକ , ଅନ୍ଵେଷା ରଥ, ସ୍ଵୟମସ୍ମିତା ସାହୁ ଏବଂ ପଲ୍ଲବୀ ଖୁଣ୍ଟିଆ ଙ୍କ ଦ୍ବାରା ପରିବେଷଣ କରାଯାଇଥିଲା ବସୁଧୈବ କୁଟୁମ୍ବକମ୍। ଏହାକୁ ରଚନା କରିଥିଲେ ପୂର୍ଣ୍ଣେନ୍ଦୁ ତ୍ରିପାଠୀ , ସଙ୍ଗୀତ ନିର୍ଦେଶନା ଦେଇଥିଲେ ଗୁରୁ ଅଚ୍ୟୁତ ମହାରଣା, ବାଦ୍ୟ ରେ ଥିଲେ ସୋମ୍ୟ ରଞ୍ଜନ ନାୟକ, ନୃତ୍ୟ ନିର୍ଦେଶନା ଦେଇଥିଲେ ଗୁରୁ ଲିଙ୍ଗରାଜ ସ୍ଵାଇଁ ।
ସର୍ବଶେଷରେ ଭାରତର କଳା ସଂସ୍କୃତି କୁ ପଞ୍ଚପ୍ରାଣ ସାଙ୍ଗରେ ବିକଶିତ କରି ଭାରତକୁ ଆଗେଇ ନେଇ ବିଶ୍ଵଗୁରୁ ବନେଇବା ପାଇଁ ଦୃଢ ସଂକଳ୍ପ ନେଇଥିଲେ ସମସ୍ତ ଛାତ୍ରଛାତ୍ରୀ ଓ କର୍ମକର୍ତ୍ତା ବୃନ୍ଦ।
