ପୁରୀ : ୦୪/୦୯/୨୦୨୫ ନି:ପ୍ର – ଆଜି ସୁନିଆଁ l ଉତ୍କଳୀୟ ଗଜପତି ପରମ୍ପରାରେ ଓଡ଼ିଆଙ୍କର ଆଉ ଗୋଟିଏ ନୂଆ ବର୍ଷ l ଆଜି ଠୁ ଆମ ପୁରୀ ଠାକୁର ରାଜାଙ୍କର ନୂଆ ଅଙ୍କଗଣନା ଆରମ୍ଭ ହେବ l ଆରମ୍ଭହେବ ଗଜପତି ଦିବ୍ୟସିଂହ ଦେବଙ୍କ ୬୯ ଅଙ୍କ ଏବଂ ୧୪୩୩ ସାଲ l ଓଡ଼ିଆ ପାଞ୍ଜିରେ ବିଷୁବସଂକ୍ରାନ୍ତି ବା ପଣାସଂକ୍ରାନ୍ତିରୁ ବର୍ଷ ଆରମ୍ଭ ହୁଏ,ଏହା ସାଧାରଣରେ ଓଡ଼ିଆ ନବବର୍ଷ ଭାବେ ଗୃହୀତ l
ସୁନିଆଁ ବା ବାମନ ଜନ୍ମ ତିଥିରେ ଶ୍ରୀମନ୍ଦିର ନୀତି ଅନୁଯାୟୀ ଗଜପତିଙ୍କ ରାଜ୍ୟାଭିଷକ ହୋଇଥାଏ l ସୁନିଆଁ ଓଡ଼ିଆ ରାଜାଙ୍କ ରାଜତ୍ୱ ଏବଂ ଓଡ଼ିଶାର ଶାସକୀୟ ଅଙ୍କଗଣନା ବର୍ଷର ପ୍ରଥମଦିନ l ଏହା ଗଜପତିଙ୍କ ରାଜସ୍ୱ ଆଦାୟ ଏବଂ ନୂତନ ଖାତା ଆରମ୍ଭର ଦିନ l ସୁନିଆଁଦିନ ଏକ ସୁନା ମୋହର ଉପରେ ଗଜପତିଙ୍କ ରାଜତ୍ୱର ଅଙ୍କ ଚିହ୍ନିତ କରା ଯାଏ l ଏହାକୁ କୁହାଯାଏ ଅଙ୍କ କଟା l ଏହା ସୁନା ସହିତ ଜଡ଼ିତ ପରମ୍ପରା ହୋଇଥିବାରୁ ସମ୍ଭବତଃ ଆଜିର ଦିନକୁ ସୁନିଆଁ କୁହାଯାଏ l
୧୯୭୦ ମସିହା ଜୁଲାଇ ୭ ତାରିଖ ଦିନ ଭୋଇ ବଂଶର ୨୫ତମ ଗଜପତିଭାବେ ମାତ୍ର ୧୭ ବର୍ଷ ବୟସରେ ରାଜଗାଦିନସୀନ ହୋଇଥଲେ ଏବେ କାର ଗଜପତିମହାରାଜା ଦିବ୍ୟସିଂହଦେବ ୪ର୍ଥ l ଶ୍ରୀମନ୍ଦିରରେ ଶାଢୀ ବନ୍ଧାଇ ଗଜପତି ମହାରାଜ ମହାପ୍ରଭୁଙ୍କ ଆଦ୍ୟ ସେବକ ହେବାପରେ ଆରମ୍ଭ ହୁଏ ଅଙ୍କ ଗଣନା l ଆଜି ହେଉଛି ଆମ ପ୍ରୀୟ ଠାକୁର ରାଜାଙ୍କ ୬୯ ଅଙ୍କ l
ପୁରୀ ଶ୍ରୀ ନହରରେ ୧୬ ଶାସନ, ଛତିଶବାଡର ବ୍ରାହ୍ମଣଙ୍କ ସହିତ ୧୬ କରଣମାନଙ୍କ ଉପସ୍ଥିତିରେ ସୁବର୍ଣ୍ଣ ମୋହର ପ୍ରଚଳନହେବ l ଆମ ରାଜ୍ୟରେ ଆଜିଠାରୁ ଜନ୍ମ ନେଉଥିବା ଶିଶୁ ମାନଙ୍କର ଜନ୍ମ ଜାତକରେ ଲେଖା ଯିବ ନୂଆ ଅଙ୍କ ଓ ଗଜପତି ମହାରାଜାଙ୍କ ନାଁ l ସୁନିଆଁ ଓଡ଼ିଆ ବ୍ୟବସାୟୀଙ୍କ ମଧ୍ୟ ନୂତନ ଖାତା ଦିବସ l
