ପୁରୀ, ତା ୧୯/୦୨/୨୦୨୬ — ଶ୍ରୀରାମକୃଷ୍ଣ ପରମହଂସଦେବଙ୍କ ୧୯୦ତମ ଜନ୍ମ ତିଥି ଅବସରରେ ପୁରୀ ସ୍ଥିତ ରାମକୃଷ୍ଣ ମିଶନ ଆଶ୍ରମରେ ଏକ ବିଶେଷ ଧାର୍ମିକ କାର୍ୟକ୍ରମ ଆୟୋଜିତ ହୋଇଯାଇଛି।
ଏହି ଅବସରରେ ପୂଜାର୍ଚ୍ଚନା, ବେଦମନ୍ତ୍ର ପାଠ, ଭଜନ ସମାରୋହ ସହିତ ବିଭିନ୍ନ ଧାର୍ମିକ ଅନୁଷ୍ଠାନ ହୋଇଥିଲା। ଆଶ୍ରମର ସନ୍ନ୍ୟାସୀ ଓ ଭକ୍ତମାନେ ଶ୍ରୀରାମକୃଷ୍ଣଙ୍କ ଜୀବନ ଓ ଆଦର୍ଶ ବିଷୟରେ ଉପସ୍ଥାପନା କରିଥିଲେ।
ସକାଳୁଠାରୁ ଭକ୍ତମାନଙ୍କ ଭିଡ଼ ଲାଗିଥିଲା ଏବଂ ଭକ୍ତମାନେ ପୂଜାରେ ଯୋଗଦେଇ ଆଶୀର୍ବାଦ ଗ୍ରହଣ କରିଥିଲେ। କାର୍ୟକ୍ରମର ଶେଷରେ ସମସ୍ତଙ୍କୁ ପ୍ରସାଦ ବଣ୍ଟନ କରାଯାଇଥିଲା।
ଆୟୋଜକମାନଙ୍କ କହିବା ଅନୁସାରେ, ଏପରି ଧାର୍ମିକ କାର୍ୟକ୍ରମ ସମାଜରେ ଆଧ୍ୟାତ୍ମିକ ଚେତନା ଓ ନୈତିକ ମୂଲ୍ୟବୋଧକୁ ଜାଗୃତ କରିଥାଏ।
