ପୁରୀ ତା 20/9 ଅଗ୍ରଣୀ ସାଂସ୍କୃତିକ ଅନୁଷ୍ଟାନ ଶ୍ରୀ ଶ୍ରୀକ୍ଷେତ୍ର ସୂଚନା, ପୁରୀ ଦ୍ବାରା ଆୟୋଜିତ ଓ ଶ୍ରୀଜଗନ୍ନାଥ ସଂସ୍କୃତ ବିଶ୍ୱବିଦ୍ୟାଳୟ ସହଭାଗିତାରେ ଓ ଭାରତର ପ୍ରଧାନମନ୍ତ୍ରୀଙ୍କ ଦୃଷ୍ଟିକୋଣ ମା’ ପାଇଁ ଗଛ ଟିଏ ଦ୍ବାରା ଅନୁପ୍ରାଣିତ ହୋଇ ବିଶ୍ୱବିଦ୍ୟାଳୟ ପରିସରରେ ଆଜି ପବିତ୍ର ବଉଳ ଚାରା ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି I
ଏହି ପବିତ୍ର ପ୍ରୟାସ ପ୍ରଭୁ ଜଗନ୍ନାଥଙ୍କ ଦିବ୍ୟ ପରମ୍ପରା ସହିତ ଗଭୀର ଭାବରେ ଜଡିତ I ବକୁଳ ଗଛର ଅପାର ଆଧ୍ୟାତ୍ମିକ ଗୁରୁତ୍ୱ ରହିଛି, କାରଣ ଏହାର କାଠ ଶ୍ରୀଜୀଉମାନଙ୍କର ସେନାପଟା ଏବଂ ବାହୁଟ ନିର୍ମାଣରେ ବ୍ୟବହୃତ ହୁଏ – ସ୍ନାନଯାତ୍ରା ,ରଥଯାତ୍ରା ଏବଂ ପହଣ୍ଡି ଶୋଭାଯାତ୍ରାରେ I କିମ୍ବଦନ୍ତୀ ଅନୁସାରେ, ପ୍ରଭୁ ଜଗନ୍ନାଥ ଥରେ ଜଣେ ବନ ଋଷିଙ୍କୁ ପ୍ରତିଶ୍ରୁତି ଦେଇଥିଲେ ଯେ ତାଙ୍କ ଜଙ୍ଗଲରୁ ବକୁଳ ଗଛ ସବୁଦିନ ପାଇଁ ଏହି ଦିବ୍ୟ କବଚ ପାଇଁ ବ୍ୟବହୃତ ହେବ, ଯାହା ଜଙ୍ଗଲର ଅନନ୍ତ ସ୍ମୃତିକୁ ସୁନିଶ୍ଚିତ କରିବ। ପ୍ରକୃତି, ପରମ୍ପରା ଏବଂ ମାତୃତ୍ୱ ମଧ୍ୟରେ ଅନନ୍ତ ବନ୍ଧନକୁ ପାଳନ କରୁଥିବା ଏହି ବୃକ୍ଷ ଏକ ଆଧ୍ୟାତ୍ମିକ ଭାବରେ ସମୃଦ୍ଧ ଏବଂ ସାଂସ୍କୃତିକ ଭାବରେ ଗୁରୁତ୍ୱପୂର୍ଣ୍ଣ । ଅନୁଷ୍ଠାନର ଅଧ୍ୟକ୍ଷ ପ୍ରଫେସର ହରେକୃଷ୍ଣ ଶତପଥୀ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସମାରୋହରେ ମୁଖ୍ୟ ଅତିଥି ଭାବେ ଯୋଗଦେଇଥଲେ ସାଂସଦ ଡକ୍ଟର ସମ୍ବିତ୍ ପାତ୍ର I ଅନ୍ୟତମ ଅତିଥିଭାବେ ପୂର୍ବତନ ବିଧାୟକ ଜୟନ୍ତ କୁମାର ଷଡ଼ଙ୍ଗୀ , କେନ୍ଦ୍ରୀୟ ସଂସ୍କୃତ ବିଶ୍ୱବିଦ୍ୟାଳୟ [ସଦାଶିବ ପରିସର]ର ନିର୍ଦ୍ଦେଶକ ପ୍ରଭାତ କୁମାର ମହାପାତ୍ର , ଶ୍ରୀମନ୍ଦିର ପରିଚାଳନା କମିଟି ସଦସ୍ୟ ବରିଷ୍ଠ ସେବାୟତ ଜଗନ୍ନାଥ ପୂଜାପଣ୍ଡା ସାମନ୍ତ , ଡ. ସିଦ୍ଧେଶ୍ୱର ମହାପାତ୍ର , କୃଷ୍ଣ ଚନ୍ଦ୍ର ସାମନ୍ତରାୟ , ଗଣେଶ ଦାସ ମହାପାତ୍ର, ରାମ ନାରାୟଣ ଗୋଚ୍ଛିକାର , ମହନ୍ତ ରଘୁବୀର ଦାସ ମହାରାଜ , ବିଶ୍ୱବିଦ୍ୟାଳୟର କୁଳସଚିବ ପ୍ରଜ୍ଞାଶ୍ରୀ ପ୍ରିୟମ୍ବଦା, ଗବେଷକ ଡକ୍ଟର ଭାସ୍କର ମିଶ୍ର , ରଥ ପର୍ଯ୍ୟବେକ୍ଷକ ସୁଦର୍ଶନ ମେକାପ ଓ ଭୋଇ ସର୍ଦାର ରବି ଭୋଇ ପ୍ରମୁଖ ଅତିଥି ଭାବେ ଯୋଗଦେଇ କାର୍ଯ୍ୟକ୍ରମର ଭୂୟସୀ ପ୍ରଶଂସା କରିବା ସହିତ ବଉଳ ବୃକ୍ଷ ରୋପଣ କରିଥିଲେ । ଅନୁଷ୍ଠାନର ସାଧାରଣ ସମ୍ପାଦକ ରାଜେଶ କୁମାର ମହାନ୍ତି ସ୍ଵାଗତ ଭାଷଣ ଏବଂ ବିଶ୍ୱବିଦ୍ୟାଳୟର କୁଳପତି ପ୍ରସନ୍ନ କୁମାର ସ୍ଵାଇଁ ଅତିଥି ପରିଚୟ ପ୍ରଦାନ କରିଥିଲେ I ଅନୁଷ୍ଠାନର ସାଂସ୍କୃତିକ ସମ୍ପାଦକ ଶ୍ୟାମ ପ୍ରକାଶ ସେନାପତି ଧନ୍ୟବାଦ ଅର୍ପଣ କରିଥିଲେ I ଆମେ ଶ୍ରଦ୍ଧା ଏବଂ ସ୍ମୃତିର ମୂଳ ଶୁଜିବା ପାଇଁ ଏକାଠି ହୋଇ ଶତାବ୍ଦୀର ଭକ୍ତି ଏବଂ ଦିବ୍ୟ ପ୍ରତିଶ୍ରୁତି ବହନ କରୁଥିବା ଏକ ବୃକ୍ଷ ରୋପଣ କରି ଆମର ମାତା, ଆମର ପବିତ୍ର ପରମ୍ପରା ଏବଂ ଆମର ପରିବେଶକୁ ସମ୍ମାନ କରିବା । ଏହି କାର୍ଯ୍ୟକ୍ରମରେ ୨୦୦ ବଉଳ ଚାରା ଲଗାଯିବା ସହିତ ବିଶ୍ବବିଦ୍ୟାଳୟ ସମସ୍ତ ଛାତ୍ର ଓ ଛାତ୍ରୀ ,ଅଧ୍ୟାପକ ଓ ଅଧ୍ୟାପିକା ,କର୍ମଚାରୀ ସହଯୋଗ କରିଥିବା ବେଳେ ଅନୁଷ୍ଠାନ ପକ୍ଷରୁ ଭରତ କୁମାର ନାୟକ, ବିଦ୍ରୋହ କେଶରୀ ସିଂ, ସତ୍ୟବ୍ରତ ଦାସ ,ନାରାୟଣ ପାତ୍ର ,ଦେବେନ୍ଦ୍ର ମହାପାତ୍ର,ସୋମ୍ୟରଂଜନ ମିଶ୍ର, ଶିବସୁନ୍ଦର ମିଶ୍ର , ଭବାନୀ ଶଙ୍କର , ପୁଷ୍କର ସାହୁ ,ପୂର୍ଣ ଚନ୍ଦ୍ର ଓଝା ଓ ପ୍ରଶାନ୍ତ କୁମାର ସାହୁ ପ୍ରମୁଖ ପରିଚାଳନାରେ ସହଯୋଗ କରିଥିଲେ ।
