ଶ୍ରୀଜଗନ୍ନାଥ ଧାମ, ପୁରୀସ୍ଥିତ ହୋଟେଲ୍ ସେଭେନ୍ ହିଲ୍ସଠାରେ ପରମ ଶକ୍ତି ପୀଠ ପକ୍ଷରୁ ଆୟୋଜିତ ‘ଶ୍ରୀମଦ୍ ଭାଗବତ କଥା ମହୋତ୍ସବ’ର ସପ୍ତମ ଦିବସରେ କଥାବାଚକ ପଦ୍ମଭୂଷଣ ବିଭୂଷିତ, ବାତ୍ସଲ୍ୟମୂର୍ତ୍ତି ପୂଜ୍ୟ ଦିଦି ମା’ ସାଧ୍ୱୀ ଋତମ୍ଭରା ଜୀଙ୍କ ପବିତ୍ର ସାନ୍ନିଧ୍ୟରେ ମହୋତ୍ସବର ସମାପନ ହୋଇଥିଲା।
ଏହି କଥା ମହୋତ୍ସବର ଶୁଭାରମ୍ଭ ମୁଖ୍ୟ ଯଜମାନ ଶ୍ରୀ ଚେତନ କୁମାର ଟେକ୍ରିୱାଲ ଏବଂ ତାଙ୍କ ଧର୍ମପତ୍ନୀ ଶ୍ରୀମତୀ ନିର୍ମଳା ଟେକ୍ରିୱାଲଙ୍କ ଦ୍ୱାରା ବ୍ୟାସପୀଠ ପୂଜନ ସହିତ ହୋଇଥିଲା।
ଏହି ଅବସରରେ ଓଡ଼ିଶାର ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀ, ତାଙ୍କ ଧର୍ମପତ୍ନୀ ଶ୍ରୀମତୀ ପ୍ରିୟଙ୍କା ଏବଂ ରାଜ୍ୟର ପ୍ରଥମ ମହିଳା ଉପମୁଖ୍ୟମନ୍ତ୍ରୀ ଶ୍ରୀମତୀ ପ୍ରଭାତୀ ପରିଡ଼ା ନିଜ ଉପସ୍ଥିତିରେ ଏହି ପବିତ୍ର ଆୟୋଜନକୁ ଗୌରବାନ୍ୱିତ କରିଥିଲେ।
ସେଭେନ୍ ହିଲ୍ସ ଅଡିଟୋରିୟମ୍ରେ ଆପଣମାନଙ୍କର ଆଗମନ ସମୟରେ ମହାମଣ୍ଡଳେଶ୍ୱର ସ୍ୱାମୀ ସତ୍ୟାଶ୍ରୟ, ସାଧ୍ୱୀ ସତ୍ୟଶ୍ରୁତି, ସ୍ୱାମୀ ସତ୍ୟଶୀଳ, ଶ୍ରୀ ହରିଚରଣ, ଶ୍ରୀ ମାଧବ ବଶିଷ୍ଠ, ଶ୍ରୀ ଉମେଶ ଖଣ୍ଡେଲୱାଲ, ଶ୍ରୀ ଓ.ପି. ମିଶ୍ର, ଶ୍ରୀମତୀ ସଞ୍ଜନା, ଶ୍ରୀମତୀ ସୁଜାତା, ଶ୍ରୀ ପ୍ରଦୀପ, ସୋନୁ ଏବଂ ଶ୍ରୀ ଅମିତ ଜେନା ସମସ୍ତଙ୍କୁ ଉଷ୍ମ ଅଭ୍ୟର୍ଥନା ଓ ସ୍ୱାଗତ ଜଣାଇଥିଲେ।
ଶ୍ରୀମତୀ ସ୍ମୃତିରେଖା, ଶ୍ରୀମତୀ ନେହା, ଶ୍ରୀମତୀ ମାନସୀ ଏବଂ ଶ୍ରୀମତୀ କବିତା କଥା ମଞ୍ଚରେ ତିଳକ ଓ ଆରତୀ କରି ମାନ୍ୟବର ମୁଖ୍ୟମନ୍ତ୍ରୀ, ତାଙ୍କ ଧର୍ମପତ୍ନୀ ଏବଂ ଉପମୁଖ୍ୟମନ୍ତ୍ରୀଙ୍କୁ ସ୍ୱାଗତ କରିଥିଲେ। ଶ୍ରୀମତୀ ପ୍ରଣତି ଅତିଥିମାନଙ୍କ ରହିବା ବ୍ୟବସ୍ଥାର ଦାୟିତ୍ୱ ତୁଲାଇଥିଲେ।
ପୂଜ୍ୟ ଦିଦି ମା’ ଜୀ ଓଡ଼ିଶାର ପ୍ରଥମ ମହିଳା ଉପମୁଖ୍ୟମନ୍ତ୍ରୀ ଶ୍ରୀମତୀ ପ୍ରଭାତୀ ପରିଡ଼ାଙ୍କୁ ମଞ୍ଚ ଉପରେ ଶାଲ୍ ପ୍ରଦାନ କରି ସ୍ୱାଗତ ଓ ସମ୍ମାନିତ କରିଥିଲେ।
ସାଧ୍ୱୀ ସାକ୍ଷୀ ଚେତନା ଜୀ, ଶ୍ରୀ ସଞ୍ଜୟ ଭାଇୟା ଜୀ, ଶ୍ରୀ ସି.ବି. ପାଟୋଡିୟା ଏବଂ ଶ୍ରୀମତୀ ସୁମନ ଜୀ ଯଥାକ୍ରମେ ମାଳା, ଫଟୋ ଫ୍ରେମ୍ ଏବଂ ପୁଷ୍ପଗୁଚ୍ଛ ପ୍ରଦାନ କରି ମାନ୍ୟବର ମୁଖ୍ୟମନ୍ତ୍ରୀ ଓ ତାଙ୍କ ଧର୍ମପତ୍ନୀଙ୍କୁ ସ୍ୱାଗତ ଓ ସମ୍ମାନିତ କରିଥିଲେ।
କଥା ମହୋତ୍ସବର ସଂଯୋଜକ ଶ୍ରୀ ଉମେଶ ଖଣ୍ଡେଲୱାଲ ମହାପ୍ରଭୁ ଶ୍ରୀଜଗନ୍ନାଥଙ୍କର ଏକ ସୁନ୍ଦର ପ୍ରତିମୂର୍ତ୍ତି ଏବଂ ପୁରୀ ଧାମରେ ପରମ ଶକ୍ତି ପୀଠର ସେବାକାର୍ଯ୍ୟ ପାଇଁ ଜମି ଆବଣ୍ଟନ ନିମନ୍ତେ ଏକ ଅନୁରୋଧ ପତ୍ର ପ୍ରଦାନ କରି ମାନ୍ୟବର ମୁଖ୍ୟମନ୍ତ୍ରୀଙ୍କୁ କୃତଜ୍ଞତା ଜଣାଇଥିଲେ।
ସାଧ୍ୱୀ ଶିରୋମଣି ଜୀ ମଞ୍ଚ ପରିଚାଳନା କରିଥିବା ବେଳେ ଶ୍ରୀ ଜୟ ଭଗବାନ ଅଗ୍ରୱାଲ ସ୍ୱାଗତ ଅଭିଭାଷଣ ପ୍ରଦାନ କରିଥିଲେ।
ମଞ୍ଚ ସଂଯୋଜକ ଭାବେ ସାଧ୍ୱୀ ସାଧ୍ୟ ଜୀ, ସାଧ୍ୱୀ ସତ୍ୟନିଷ୍ଠା ଜୀ ଏବଂ ସାଧ୍ୱୀ ସତ୍ୟମୂର୍ତ୍ତି ଜୀ ଦାୟିତ୍ୱ ତୁଲାଇଥିଲେ।
ଏହି ଅବସରରେ ପ୍ରମୁଖ ଉପସ୍ଥିତ ବ୍ୟକ୍ତିବିଶେଷଙ୍କ ମଧ୍ୟରେ ଶ୍ରୀ ସୁଭାଷ ଜଗ୍ଗା, ଶ୍ରୀ ଅଶୋକ ସରିନ, ଶ୍ରୀମତୀ ସ୍ୱସ୍ତିକା, ଶ୍ରୀ ପବନ ଶର୍ମା, ଶ୍ରୀମତୀ ସରୋଜ ଶର୍ମା, ଶ୍ରୀ ଗୁଣେନ୍ଦ୍ର ମେଡାତିଆ, ଶ୍ରୀମତୀ କାମିନୀ ମେଡାତିଆ, ଶ୍ରୀ ପ୍ରକାଶ ଅଗ୍ରୱାଲ, ଶ୍ରୀ ପ୍ରହ୍ଲାଦରାୟ ଗର୍ଗ, ଶ୍ରୀ ସନ୍ତୋଷ ଚୋପ୍ରା, ଶ୍ରୀ ଅନିଲ ଗୋୟଲ, ଶ୍ରୀ ଶ୍ୟାମଲାଲ ଅଗ୍ରୱାଲ, ଶ୍ରୀମତୀ ସୋମ ନାୟର, ଶ୍ରୀ ବିକ୍ରମ ଚୋୟଲ, ଶ୍ରୀ ବି.ଆର୍. ସିଙ୍ଗଲା, ଶ୍ରୀ ଦେବୀସିଂହ ସୋଲଙ୍କୀ, ଶ୍ରୀମତୀ ଉପାସନା ମହାପାତ୍ର (ବ୍ରହ୍ମଗିରି ବିଧାୟିକା), ଶ୍ରୀ ଆଶ୍ରିତ ପଟ୍ଟନାୟକ (ପିପିଲି ବିଧାୟକ), ଶ୍ରୀ ଓମପ୍ରକାଶ ମିଶ୍ର (ସାକ୍ଷୀଗୋପାଳ ବିଧାୟକ), ଶ୍ରୀ ଜୟନ୍ତ ସାରଙ୍ଗୀ (ପୂର୍ବତନ ବିଧାୟକ), ଶ୍ରୀ ସଞ୍ଜୟ ଶର୍ମା, ଶ୍ରୀ ସାହିଲ ଶର୍ମା, ଶ୍ରୀ ମନମୋହନ ଗୁପ୍ତା, ଶ୍ରୀମତୀ ସୃଷ୍ଟି ଶର୍ମା ଏବଂ ମୁରଲୀ ଶର୍ମାଙ୍କ ସମେତ ଅନେକ ବିଶିଷ୍ଟ ବ୍ୟକ୍ତି ଯୋଗ ଦେଇଥିଲେ।
ଶ୍ରୀମତୀ ରଞ୍ଜିତା ପାଢ଼ୀ, ଶ୍ରୀ ଅନିଲ କୁମାର ସାହୁ, ଶ୍ରୀ ମନୋଜ କୁମାର ବିଶୋଇ, ଶ୍ରୀ ଶିବନାରାୟଣ ଦାସ ଏବଂ ବରିଷ୍ଠ ସାମ୍ବାଦିକ ଶ୍ରୀ ସୀମାଞ୍ଚଳ ପାଢ଼ୀ ବ୍ୟାସପୀଠ ନିକଟରେ ନତମସ୍ତକ ହୋଇ ପୂଜ୍ୟ ଦିଦି ମା’ଙ୍କ ଆଶୀର୍ବାଦ ଗ୍ରହଣ କରିଥିଲେ।
କଥା ମହୋତ୍ସବକୁ ସମ୍ବୋଧିତ କରି ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀ କହିଥିଲେ, “ଆଜି ମହାପ୍ରଭୁ ଶ୍ରୀଜଗନ୍ନାଥଙ୍କ ଅସୀମ କୃପାରୁ ପ୍ରେମର ସାକାର ସ୍ୱରୂପ, ପରମ ପୂଜନୀୟ ଦିଦି ମା’ ସାଧ୍ୱୀ ଋତମ୍ଭରା ଜୀଙ୍କର ପବିତ୍ର ଦର୍ଶନ ଓ ଆଶୀର୍ବାଦ ପାଇବାର ସୌଭାଗ୍ୟ ଆମ ସମସ୍ତଙ୍କୁ ପ୍ରାପ୍ତ ହୋଇଛି।
ମୁଁ ଆପଣଙ୍କୁ ଓଡ଼ିଶାର ମୁଖ୍ୟମନ୍ତ୍ରୀ ଭାବେ ନୁହେଁ, ବରଂ ରାଜ୍ୟର ମୁଖ୍ୟ ସେବକ ଭାବେ ହୃଦୟରୁ ଅଭିନନ୍ଦନ ଓ ପ୍ରଣାମ ଜଣାଉଛି। ଶ୍ରୀଜଗନ୍ନାଥ ଧାମର ଏହି ପବିତ୍ର ଭୂମିରେ ଆପଣଙ୍କ ମୁଖରୁ ଶ୍ରୀମଦ୍ ଭାଗବତ କଥା ଶୁଣିବାର ସୌଭାଗ୍ୟ ଆମ ସମସ୍ତଙ୍କୁ ମିଳିଛି।
ଏହି ମାସର ପ୍ରଥମ ଦିନରୁ ଗତ ସାତ ଦିନ ଧରି ଆପଣଙ୍କ ଅମୃତମୟ ବାଣୀ ଏବଂ ଉଚ୍ଚତମ ଆଧ୍ୟାତ୍ମିକ ଚେତନାରେ ଏହି ପବିତ୍ର ପରିବେଶ ପରିପୂର୍ଣ୍ଣ ହୋଇଉଠିଛି। ଏହି ସମୟ ମଧ୍ୟରେ ଭଗବାନ ଶ୍ରୀକୃଷ୍ଣଙ୍କ ପବିତ୍ର ଜନ୍ମାଷ୍ଟମୀ ଉତ୍ସବ ମଧ୍ୟ ପାଳିତ ହୋଇଥିଲା। ଏହା ଆମ ସମସ୍ତଙ୍କ ପାଇଁ ଅତ୍ୟନ୍ତ ସୌଭାଗ୍ୟର ବିଷୟ।
ଆପଣଙ୍କ ଦିବ୍ୟ କଣ୍ଠରୁ ଶ୍ରୀମଦ୍ ଭାଗବତ କଥାର ଏହି ସମୃଦ୍ଧ ଓ ଜ୍ଞାନପୂର୍ଣ୍ଣ ବାଣୀ ଶୁଣିବାର ସୁଯୋଗ ଦେଇଥିବାରୁ ମୁଁ ହୃଦୟରୁ ଆପଣଙ୍କୁ ଧନ୍ୟବାଦ ଜଣାଉଛି।
ରାଜନୀତିରେ ଆମକୁ କହିବା ଓ ଶୁଣିବା ପାଇଁ ଅନେକ ସୁଯୋଗ ମିଳିଥାଏ। କିନ୍ତୁ ଏଭଳି ଅମୃତମୟ ବାଣୀ ଶୁଣିବା ପାଇଁ ସୌଭାଗ୍ୟ ସହିତ ମହାପ୍ରଭୁ ଶ୍ରୀଜଗନ୍ନାଥଙ୍କ ଆଶୀର୍ବାଦ ମଧ୍ୟ ଆବଶ୍ୟକ।”
ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ରାମ ଜନ୍ମଭୂମି ମୁକ୍ତି ଆନ୍ଦୋଳନରେ ପୂଜ୍ୟ ଦିଦି ମା’ ଜୀଙ୍କ ଭୂମିକା ଓ ପ୍ରେରଣା ତଥା ଉତ୍ତରପ୍ରଦେଶର ବୃନ୍ଦାବନ ଓ ଦେଶର ଅନ୍ୟାନ୍ୟ ରାଜ୍ୟରେ ତାଙ୍କ ସଂସ୍ଥା ପରମ ଶକ୍ତି ପୀଠ ଦ୍ୱାରା ପରିଚାଳିତ ବାତ୍ସଲ୍ୟ ଗ୍ରାମଗୁଡ଼ିକ ସମ୍ପର୍କରେ ବିସ୍ତୃତ ଭାବେ ଆଲୋଚନା କରି କହିଥିଲେ—
“ପରମ ଶକ୍ତି ପୀଠ ପକ୍ଷରୁ ଓଡ଼ିଶାର ଏହି ଅଞ୍ଚଳରେ ‘ବାତ୍ସଲ୍ୟ ଗ୍ରାମ’ ଏବଂ ‘ସମ୍ବିଦ୍ ଗୁରୁକୁଳମ୍ ସୈନିକ ସ୍କୁଲ’ ପ୍ରତିଷ୍ଠା କରିବାର ପ୍ରସ୍ତାବ ରହିଥିବା ଜାଣି ମୁଁ ଅତ୍ୟନ୍ତ ଖୁସି। ଏଠାରେ ଅଧ୍ୟୟନ କରୁଥିବା ପିଲାମାନେ ଶିକ୍ଷା ସହିତ ସାମରିକ ଶୃଙ୍ଖଳା ଓ ପ୍ରଶିକ୍ଷଣ ହାସଲ କରି ଦେଶର ନିଷ୍ଠାବାନ ନାଗରିକ ଭାବେ ଗଢ଼ିଉଠିବେ। ଓଡ଼ିଶା ଭଳି ଭାରତର ଏକ ସୀମାବର୍ତ୍ତୀ ରାଜ୍ୟରେ ଏଭଳି ବିଦ୍ୟାଳୟର ବିଶେଷ ଆବଶ୍ୟକତା ରହିଛି।
ପୂଜ୍ୟ ଦିଦି ମା’ ଜୀଙ୍କ ସଂସ୍ଥା ପରମ ଶକ୍ତି ପୀଠ ପକ୍ଷରୁ ଓଡ଼ିଶାର ରାଜଧାନୀ ଭୁବନେଶ୍ୱର ଏବଂ ଯାତାୟାତ ସୁବିଧା ଥିବା ଜଗନ୍ନାଥ ପୁରୀର ଏକ ଅଞ୍ଚଳରେ ଏଭଳି ସେବାମୂଳକ କାର୍ଯ୍ୟକ୍ରମ ପରିଚାଳନା କରିବା ନିମନ୍ତେ ଓଡ଼ିଶା ସରକାରଙ୍କୁ ପ୍ରସ୍ତାବ ଦିଆଯାଇଛି। ଏଥିପାଇଁ ଆମେ ସେମାନଙ୍କୁ ଧନ୍ୟବାଦ ଜଣାଉଛୁ।
